In this series, we would like to bring you golden oldies from early issues of Telugu Velugu, the news journal of the Telugu Literary and Cultural Association. We are indebted to Nehru Cherukupalli garu, who has lovingly preserved these old issues and made them available for republication. Publishing these in this electronic form will, we hope, allow a new generation of Telugu lovers to enjoy these classics.

This page uses Unicode. If your computer does not display Telugu script, please read and enjoy the pdf version. If you would like to set your computer up to display Telugu Unicode, please see help here



ఆమెరికా .. అవకాశాలు, ఆచారాలు

T.V.S.R.Ksheerasagar (Published Oct. 1997)

విద్యనార్జించ కొందరు, విపణి వీధి
పేరు కోసము కొందరు, విత్తమునకు
పొట్టవట్టుకు కొందరు పోషణకును
బ్రతుకు తెరువును కానక వలసమీద
వత్తురీ దేశమెందరో వ్యక్తులెపుడు.

వ్యక్తి క్షేమము, రక్షణ ప్రథమమిచట
సంఘ సంక్షేమము, ముఖ్య సంస్థయుండు
ఆకుపచ్చ కార్డను గుర్తునందుకొన్న
ఇందుపనిచేయు నర్హత పొందకలడు

ఎచ్చటెచ్చటి మేధావులిందు చేర
జ్ఞాన విజ్ఞాన మథనంబు సల్పినారు
సహజ సంపద చక్కగా సాగుచేసి
దేశమభివృద్ధి చెందగ దిద్దినారు

ప్రజ్ఞయే కారణమిటకు రాగ తొలుత
భారతీయత ప్రజ్ఞకు మారుపేరు
వలస పద్ధతి మార్పుల వల్లనేమో
పలుచ బడినది ఇచ్చట పాటవంబు!

అవకాశంబులు కొల్లలుండునిట విద్యాసంస్థలన్‌ నేర్వగన్‌
నవసాంకేతిక శాస్త్ర శాఖలను నానాశాస్త్రవైదుష్యముల్‌
ప్రవచింపన్‌ గురుపుంగవుల్‌ గలరు నేర్పంగన్‌ సమస్తంబునున్‌
అవలీలన్‌ తను నేర్వవచ్చు కృషిస్వాధ్యాయాన కష్టించుచున్‌

అవకాశంబులు కొల్లలుండునిచటన్‌ వ్యామోహసంక్షోభముల్‌
పవలున్‌ రేయియు పాడుచేయుటకు ఈ పాశ్చాత్య దేశంబునన్‌
అవలీలన్‌ తను మోహనార్దిమునుగన్‌ యాదృచ్చికంబైనస్త్వె
రవిహారంబున నాశనానికిట ప్రారబ్ధంబు వెంటాడినన్‌

స్వేచ్చకోసము స్వాతంత్ర్య జీవనాన
హక్కులకు పోరి సమరాన, నందు గెలిచి
మొత్తము ప్రపంచమంతట ముందు నిలిచి
స్త్రీలు ముందంజ వేసిరీ దేశమందు

స్త్రీయు పురుషుడిద్దరు పనిచేతురిందు
భేదముండదు పనిలోన వీరి పట్ల
గౌరవింతురు స్త్రీలను వీరలిచట
అర్ధరాత్రియుబయటకు అరుగగలరు

స్త్రీలును పురుషులును యువతీ యువకులు
చెట్టపట్టాల తిరుగుచు పట్టపగలు
స్వేచ్చ విహరింత్రు రోడ్లపై విర్రవీగి
తప్పుకాదది ఈ సాంప్రదాయమందు!

స్త్రీ పురుషుల పరస్పర చిత్తవృత్తి
ఇనుమయస్కాంతపు కరణిచనుననయము
ముద్దుమురిపాల కౌగిళ్ళ మోజులోన
పురజనుల సరకు గొనరు బొత్తిగాను!

అనుదినము పనుల నిమిత్తమరుగనిచట
రైళ్ళు బస్సులుండవు చాల ఊళ్ళలోన
ఇంటికొక రెండు కారులు వెంటనుండు
భర్తకొక్కటి, పిల్లలు భార్యకొకటి

ధనము కోసమె వత్తురు జనము చాల
వీరు మరువరు, విడువరు భారతమును
పప్పు పులుసుని కావలె అప్పడంబు
ఆవకాయయు తప్పవు ననుదినంబు

మడులు నాచారముల్‌ సాగు మనసుపడిన
ఎవరు నడ్డరు మననిట ఏమిచేయ
గుడులు గోపురముల్‌ ఉండు కోరుకున్న
సభలు గోష్ఠులు సత్కధల్‌ సాగునిచట

అమెరికా దేశ నాణెపు అర్ధవిలువ
ముప్పదింతలు పైననే ఒప్పునేడు
జీవన ప్రమాణ స్థితి చెప్పునిదియు
ఒక్క డాలరనగనిందు ఒక్కరూకె!