|
పరమార్ధ సాధకము భాగవత పఠనము పరమపద దాయకము భాగవత శ్రవణము. ||పరమ|| 1. యిహ పర సౌభాగ్య ఈప్సితార్ధ ప్రదము శ్రీహరి చరితము సర్వ మంగళ కరము మోహ భంజకమిది మహాభాగ్యదాయకము సహన, శాంతి గుణ సంప్రాప్త కరము. ||పరమ|| 2. శోక సంహరము, సుఙ్ఞాన దాయకము పాకారి ప్రముఖులకు పరమ ప్రియము, వికల హృదయములకు విశ్రాంతి దాయకము అకళంకుని చరిత ఆనందకరము. ||పరమ|| 3. బహుజన రంజకము, భావగర్భితము త్రాహి యను హృదయముకు తప్త నాశకము సోహ మని తెలిపెడి సత్వ గుణ సారము దేహ మోహ రహిత పరీక్షా పేక్షము. ||పరమ|| 4. కామ, క్రోధ, మద కలుష ప్రక్షాళకము రోమాంచితము రామ కృష్ణ చరితం తామస భంజకము తత్వ ప్రభోధము సోమక హరు చరిత సంతోషజనకము. ||పరమ|| 5. వేద వృక్షాఫలము, శుక యోగ వర్ణితము మధుర వైరాగ్య రస మాధుర్య జనకము,నా రద ప్రేరితము, నాదమయ సజ్జితము వేద వ్యాస మౌని విరచిత కావ్యము. ||పరమ| రమాకాంతరావు చాకలకొండ March 01, 2007 Cincinnati, OH USA |
|
#maa telugu talliki mallepU daMDaa# |