Creative works from Telusuna Members

అజుడే అంతర్యామి - ఆలమేలు వల్లభుడు

Ramakantha Rao Chakalakonda

పూజించు యీ పదమే పరమ పద దాయకము,
నిజమెరిగిన యిదే నిత్య వైభోగము. ||పూజించు||

1. తేజము తానైన రవి శశికి ప్రభలొసగి,
బీజమై బ్రహ్మకు సృజన శక్తిని యొసగి,
ద్విజులు, దేవతలచే పూజ లందెడివాడు,
అజుడే అంతర్యామి అతడే మన రక్ష! ||పూజించు||

2. దివిన త్రైమూర్తులగ దేవతలు కొల్చిన,
భువిన బహురూపులలో భక్తులు కొలచిన,
భువన భాండములకు మూలము తానైన,
దివిజేంద్ర వంద్యుడు దేవ దేవుడు ఒకడే! ||పూజించు||

3. గ్రహములకు గురుడై గతులను చూపించి,
మోహ మాయలో ముంచి, మనుగడ కల్పించి,
నిర్వహించి జగము నేర్పుగా నడిపించు,
విహంగ వాహనుడు వేంకటేశుడు విభుడు. ||పూజించు||

చాకలకొండ రమాకాంతరావు
Wednesday, June 27, 2007 Cincinnati OH USA


#maa telugu talliki mallepU daMDaa#

Back to list