స్వార్ధము విడనాడర, సమరసము చూపర, అర్ధమే పరమార్ధమన్న, వ్యర్ధమౌను జన్మర. || స్వార్ధము|| 1. పదిమంది పొట్టగొట్టి, నిధినెంతో కూడ బెట్టి, బీద బిక్క నోరు గొట్టి, బంధువులకు పంచిబెట్టి వ్యాధులతో బాధలతో, వయసంతా వాడి పోవ సాధించిన దేమిర, సమాధిలో చోటుర ? || స్వార్ధము|| 2. నీతి విడచి, దారి తప్పి, న్యాయాన్ని మట్టు పెట్టి, జాతి, మత బేధాలతో ద్వేషాలు రెచ్చగొట్టి, పదవులను నిక్కు బెట్టి, పైసలను కొల్లగొట్టి, విత్తమంత ఎవ్వరికో, వదలి వెళ్ళి పోదువుర. || స్వార్ధము|| 3. పరమార్ధము విలువెఱిగి, పదిమందికి మేలుచేసి, పరమపద పటములోన పై పైకి ఎక్కర, హరి పదము చేబూని, హరి దాసుల సేవించి నర జన్మము ధన్యతొంద, నియతిని సాధించర. || స్వార్ధము|| రమాకాంతరావు చాకలకొండ June 29, 2007 Cincinnati OH USA |
#maa telugu talliki mallepU daMDaa# |