కోరి నీ పదములు కొల్వగ వచ్చితి కోర్కెలు తీరగ కొలువులు చేసితి. ||కోరి నీపదములు|| 1. మది కమలము నీకు అర్పణ చేసితి, ఎద కోవెలందు నీ రూపము నుంచితి, పద్దతిగ నిత్యము ప్రార్ధనలు చేసితి, సాధన చేయుటలో శ్రద్ధను జూపితి. ||కోరి నీపదములు|| 2. నాద యుతముగ నీ - నుతులను చేసితి, వేద మంత్రములతో వినతులు చేసితి, మోదముగ ఎన్నెన్నో మ్రొక్కులు మ్రొక్కితి, వేదనలు విడచి నీ వద్ద నే చేరితి. ||కోరి నీపదములు|| 3. రాధా ప్రియ! నిన్ను రమ్మని పిలచితి, ఆ రాధన చేసి అర్చనలు సలిపితి, వేద నుత శ్రీకర శ్రీ వేంకటేశ్వర, భవ బాధ హర! నీదు దాస్యము చేసితి. ||కోరి నీపదములు|| రమాకాంతరావు చాకలకొండ June 4, 2007 Cincinnati OH USA |
#maa telugu talliki mallepU daMDaa# |