నారు పోసిన జీవుడే, నీరు పోసి పెంచడ? కరుణ నిండిన దేముడే, కన్నీటి వేళ బ్రోవడ? ||నారు పోసిన|| 1. అండ దండగ వాడు ఉండగ, ఎండ యైన వాన యైన, నిండు పున్నమి రేయిలాగ, పండు వెన్నెల నిండద? ||నారు పోసిన|| 2. కన్న వారే దూరమై, కన్నీరు గుండెన నిండగ, వెన్న వంటి గుండె ఉన్న, వేంకటేశుడే బ్రోవడా? ||నారు పోసిన|| 3. కారు మేఘమై యీతి బాధలు, కమ్మి అలజడి చేయగ, ధారుణి పతి దివ్య రూపుడు, దయతో ఏలి బ్రోవడా? ||నారు పోసిన|| 4. చేతు లెత్తి మ్రోక్కగ, ఆ చలపతి దరి చేరడ? మోతగ నా మదిన నిండిన, వేదన దయ తీర్చడా? ||నారు పోసిన|| 5. బ్రతుకు బరువై -గుండె చెరువై, బాసటేమి లేని నాడు, వె లుతురై ఆ వేంకటేసుడే, బ్రతుకు దారి చూపడా? ||నారు పోసిన|| రమాకాంతరావు చాకలకొండ June 22, 2007 Cincinnati, OH USA |
#maa telugu talliki mallepU daMDaa# |