|
ఆసరా యిచ్చే బాసర తల్లీ ఆశలు తీర్చవే అమృత వల్లీ! వాసిగా నీపద దాసుల ఎదలో వాసము ఉండెడి వెన్నెల వెల్లీ! ఆసరా 1. వేదములే నీ వీణపై పలుక మధుర నాదముల గానములొలుక మోదముతో మా ఎదలే కులుక ఆదరించవే అమృత వల్లీ! ఆసరా 2. సరిగమలే నీ సొంపులు కాగ స్వరజతులే నీ పదగతి కాగ అరువది నాలుగు కళాకేళిగ నిరతము మమ్ము బ్రోవవే తల్లీ! ఆసరా 3. దవళ వస్త్రముల దీప్తులు మెరయగ నవ్వుల జల్లుల వెన్నెల కురియగ పువ్వుల వానలు నీ పలుకులుగ కవితలే సొంపులై కులుకెడి తల్లీ! ఆసరా 4. వినయ విధేయతా వన్నెల పూలతో మన్నన చేసి మొక్కెద నిన్నే కన్నులలోన కరుణను నింపి నన్నిక బ్రోవుము నిరతము తల్లీ! ఆసరా 5. చక్కటి చదువుల సంపదలిచ్చి వాక్కులలోన వన్నెలు కూర్చి పెక్కు విద్యల ప్రసాదమిచ్చి మొక్కులు తీర్పవే మమతల వల్లీ! ఆసరా రమాకాంతరావుచాకలకొండ Cincinnati OH USA |
|
#maa telugu talliki mallepU daMDaa# |