|
రాగం: హంసధ్వని సంగీతం: శ్రీమతి ఇందిరామణి రచన: చాకలకొండ రమాకాంతరావు పల్లవి. ఆంధ్రమాత కన్న బిడ్డలం, అందరిలో మేము మిన్నలం అనుపల్లవి. పొందికగా అందరం పాలు నీరు లా కల్సి ముందు కొకటై సాగి పోదము. ||ఆంధ్రమాత|| 1. తర తరాల సంప్రదాయ సోయగాలే ఆస్ధులుగ తరగని మా మూల ధనం తెలుగు జాతి సంస్కృతిగా వీర నారి, నవ యువకులు వెల్లువగ వేగంగా వార సత్వ పౌరుషమే వరలొలుకగ తరలుదాం. ||ఆంధ్రమాత|| 2. టంగుటూరి కేసరులకు, సీతారామ రాజులకు నింగి నంటు కీర్తి గల కందుకూరి,గురజాడకు పొంగి పోవు త్యాగ బుద్ధి విశ్వదాత కాశీలకు, పొంగారు కన్న తల్లి పుణ్యభూమి యిది అందాం. ||ఆంధ్రమాత|| 3. కాయ కష్టం చేయుచూ పొలాలను పండిద్దాం, హేయమైన పనులేవి లేవన్నది చాటిద్దాం, చేయి చేయి కలుపు కొని చెలిమి తోటి జీవిద్దాం, హాయిలోన ఆంధ్రావని కన్న మిన్న లేదందాం. ||ఆంధ్రమాత|| చాకలకొండ రమాకాంతరావు Cincinnati, OH USA Thursday, November 16, 2006 |
|
#maa telugu talliki mallepU daMDaa# |