|
కలసి మెలసి ఉన్న వేళ కష్టాలే ఉండవు, తెలుసు కొని జీవించు ఓ తెలుగు సోదర. ||కలసి|| 1. కొట్లాడు కొన్న వేళ కరుణ జాలి ఉండవు, కఠినత్వము ఉన్న వేళ మంచి, చెడు తెలియవు, పట్టుకొన్న కుందేటికి మూడు కాళ్ళే అన్న వేళ, పఠించిన చదువులకు అర్ధాలే ఉండవు. ||కలసి|| 2. శాంతముతో ఉన్న వేళ స్నేహాలు వీడవు, సహనముతో ఉన్న వేళ సమస్యలే కలుగవు, కయ్యాలు లేని వేళ కోపాలు ఉండవు, తాపాలు లేని వేళ రోషాలే ఉండవు. ||కలసి|| 3. దయా బుద్ధి ఉన్న వేళ దౌర్జన్యము లుండవు, హేయమైన మనసు ఉన్న ఆప్యాయత లుండవు, మాయ మదిన ఉన్న వేళ మమతలసలు ఉండవు న్యాయ బుద్ది ఉన్న వేళ నష్టాలే ఉండవు. ||కలసి|| 4. బేధాలు లేని వేళ భావనలు మారవు, రోదనలు లేని వేళ రచ్చ, రభస లుండవు, మోదముతో ఉండు వేళ మర్యాదలు మారవు మాధవుని తల్చు వేళ వేదనలే ఉండవు. ||కలసి|| చాకలకొండ రమాకాంతరావు May 14, 2007 Cincinnati OH USA |
|
#maa telugu talliki mallepU daMDaa# |