|
పల్లవి. దయజూప తగువాడనా ? ఓ దశరధ రామ! దయజూప తగు వాడనా ? ||దయ|| అనుపల్లవి. మాయ నాటకమందు, మలినము లంటిన నేను ||దయ|| 1. నియమములు తప్పితి, న్యాయము మరచితి, కాయ సౌఖ్యము కొరకు కలుషములు జేసితి, కయ్యములు చేసితి, కోపములు జూపితి నెయ్యము విడనాడి ఎన్నో నిష్ఠురము లాడితి. ||దయ|| 2. దయ విడనాడితి, దురితములు చేసితి, భయ భక్తులు వీడి, భీకరము చేసితి, నయముగ నీ కొలువు, నియతిని మరచితి రయముగ రాక్షస కృత్యములు చేసితి. ||దయ|| 3. జగమున ప్రేమను భావము మరచితి, వగలోన పడి ఎన్నో వాద్యములు చేసితి నగరాజ ధర సప్త నగాగ్ర పుర వాస తగుదున నీ దయకు త్యాగరాజ వినుత. ||దయ|| రమాకాంతరావు చాకలకొండ May 13, 2007 Cincinnati OH USA |
|
#maa telugu talliki mallepU daMDaa# |