Creative works from Telusuna Members

సప్తశైలములందు సుఖముగా వశియించు

రమాకాంతరావు చాకలకొండ


రాగం: రీతిగౌళ

పల్లవి. సప్తశైలములందు సుఖముగా వశియించు,
శ్రీనివాస! నీవే మాకు ఆశ,
అనుపల్లవి. దాసులను దయతోటి పోషించు ఓదేవ! ,
నీపద సేవలే మాకు త్రోవ. ||సప్తశైల||

1. అలమేలు మంగమ్మ, అలవోకగా చూడ,
వూహలలో కులికేటి వేంకటేశ!
కలికి కమలాకాంత కనుసన్నల మెలగి,
లోకములు కాచేటి శ్రీనివాస! ||సప్తశైల||

2. చెలియ పద్మావతి చక్కదనములు మెచ్చి,
చెంగు పట్టుక తిరుగు శ్రీనవాస!
వలచి వేంకటగిరి శిఖరము వదిలేసి,
మంగపురముకు వచ్చుమోహనాంగ! ||సప్తశైల||

3. అమ్మ ఆండాళమ్మ అందించు వనమాల,
యిమ్ముగ ధరియించు వేంకటేశ
కొమ్మ నాంచారమ్మ కొంగున దాగిన,
కమ్మని నా సామి శ్రీనివాస! ||సప్తశైల||

రమాకాంతరావు చాకలకొండ
May 7 2007 Cincinnati OH USA


#maa telugu talliki mallepU daMDaa#

Back to list