|
విన్న వించెదనయ్య వేంకటేశ వినతి, నను కన్న నాతండ్రి కరుణించ వయ్యా! ||విన్న|| 1. కోరితిని కోర్కెలు కమ్మని కలగని నెరవేర్చమని నిన్ను నిరతము వేడితి తీరక యవి ఎన్నో తాపములు చెందితి, దూరి నిను మదిలోన దైన్యము నొందితి. ||విన్న|| 2. నరక కూపము బ్రతుకు నిజమని భావించి జర, వ్యాధుల నొందు కాయమునే నమ్మితి సిరులు, సింగారములే సర్వమని తలపోసి ధరణిలో ఎన్నెన్నో దైత్యములు చేసితి. ||విన్న|| 3. బ్రతుకు పరుగులతోటి బాగుగ నలసితి, చితుకు దేహము పైన చపలత వీడితి వెతికి నీ పాదముల ఆశ్రయమే కోరితి నుతులు చేసెదనయ్య నను బ్రోవవయ్యా! ||విన్న|| రమాకాంతరావు చాకలకొండ May 4, 2007 Cincinnati OH USA |
|
#maa telugu talliki mallepU daMDaa# |