|
బ్రతుకు నాటకములో పరుగెత్తు ఆటలో, అలసితిని ఎంతగో శ్రీవేంకటేశ, మెతుకు గతకను మహిన ఎందుకీ యాతనలు, శ్రితజన పోష శ్రీ శ్రీనివాస? ||బ్రతుకు|| 1. నానాటి బ్రతుకులో నీచమగు పాత్రలా? నలుగురితో నిత్యము వేయు నాటకములా, పన్ని ఎన్నో చేయు పరమ దౌత్యములా, ప్ర చ్ఛన్న పామర పూత వేషములా? ||నానాటి|| 2. మోముపై చిరునవ్వు, మనసులో ద్వేషములు, మోహమాటము కొఱకు మంచి వర్తనలా? యిహలోకము యందు యీ పొట్ట నింపుటకు, సహనపు నటనలతో శిరో ఖండనలా? ||నానాటి|| 3. పై పైకి నటియించు ప్రేమ భావనలు, అబ్బురము! ఎదలోన ఆరని జ్వాలలు, మైపూతగ మెరుగు మంచి మాటలతో కైపులో త్రోసేసి కంఠ ఛేదనలా ||నానాటి|| రమాకాంతరావు చాకలకొండ May 1 2007, Cincinnati OH USA |
|
#maa telugu talliki mallepU daMDaa# |