|
పల్లవి. శాంతము నీయుము శ్రీరామ, మది భ్రాంతులు తీర్చుము రఘురామ. ||శాంతము|| అనుపల్లవి. అంతములేని ఆశా పాశపు, సూత్రము తెంచుము సీతారామ. ||శాంతము|| 1. ధన కనకముల దాహము తోటి మనమున చెలగిన మంటల నార్పి ననయగ నీపై భక్తిని గూర్చుము, వనమాలి ఓ వేంకటధామ! ||శాంతము|| 2. తామస తెరల చీకటి తీర్చి, శమ, దమాదుల సంపద నిచ్చి, సమభావ సందర్శన కాంతులు, యిమ్ముగ నిమ్ము ఇనకుల సోమ. ||శాంతము|| 3. అరిషడ్వర్గపు అడుసులు అంటక నిరతము కరుణ, మమతలు నిండిన స్థిరమగు మనమును చక్కగ నిమ్ము తిరుమల ధామ! తోమాల దామ! ||శాంతము|| రమాకాంతరావు చాకలకొండ July 23 2007 |
|
#maa telugu talliki mallepU daMDaa# |