నారాయణ! నీ నామ స్మరణే, నరులకు తెచ్చును నిర్మల భక్తి, తిరుమలేశ! నీ తియ్యని తలపే, తరింపజేసి యిచ్చును ముక్తి. ||నారాయణ|| 1. వేద, శాస్త్రముల విమల ఙ్ఞానము, చదువులలోని సర్వ సారము, మోదముగ నీ మధుర నామము, "మాధవ" యన్న కావా సొంతము. ||నారాయణ|| 2. మూగ కిచ్చును మాటలు, పల్కులు, అంగహీనతలు అది సరిదిద్దును, నగధర నీ మధు నామ స్మరణతో జగమున దుఃఖము సమసి పోవును. ||నారాయణ|| 3. సిరి, సంపదలు సరి సమకూర్చును, వరములు యిచ్చును, వంతలు తీర్చును, ధరణీధర నీ దివ్య నామముతో, ధరణిన జీవికి ముక్తి లభించును. ||నారాయణ|| రమాకాంతరావు చాకలకొండ Wednesday, November 07, 2007 |
#maa telugu talliki mallepU daMDaa# |