Creative works from Telusuna Members

మరణమే మాకిక మహదానందము

రమాకాంతరావు చాకలకొండ


పల్లవి. మరణమే మాకిక మహదానందము,
తరుణమిది తిరుపతి పదము చేరుటకు. || మరణమే||

అనుపల్లవి. కరుణతో హరి మమ్ము కాంచెడి వేళ
శరణము కోరుటకు సముచిత వేళ. || మరణమే||

1. అహము చచ్చిన వేళ, ఆనంద వేళ,
యిహము పై యిచ్ఛలు యిగిరిన వేళ,
సహనము, శాంతము సొంతమైన వేళ,
ఊహలో వేంకని - వద్ద చేరిన వేళ. || మరణమే||

2. ప్రేమామృతము ఎదన పదిలమైన వేళ,
నామ మాధురి మదిన చేగోన్న వేళ,
కామ, క్రోధములన్ని క్రుంగిన వేళ,
రాముని చేరుటకు రమ్య మగు వేళ. || మరణమే||

3. తామసము తఱగిన దివ్యమగు వేళ,
సామ గాన ప్రియుని సంగత వేళ, తి
రుమలేశుని తరచి తెలసుకొన్న వేళ,
ఏమి యిక కోర్కెలు ఇంపగు యీ వేళ? || మరణమే||

రమాకాంతరావు చాకలకొండ Thursday, November 15, 2007



#maa telugu talliki mallepU daMDaa#

Back to list