|
జన్మ రోగములందు చిక్కిన వారికి, ఉన్న దొకటే మందు, వెంకన్న పొందు. ||జన్మ|| 1. మాటి మాటికి పుట్టి, మాటి మాటికి చచ్చు, మేటి రోగములకు ఘాటు మందు, సాటి వారిని తిట్టు, సన్ని పాతమునకు, శ్రేష్టమగు హరి సేవే సరియైన మందు. ||జన్మ|| 2. నాటకపు బ్రతుకుల నికృష్ట వ్యాధులకు, దీటైన హరి పదమే తగిన మందు, రాటు తేలిన రాతి హృదయ రోగములకు అడగు నిచ్చెడి దొకటే అచ్యతుని మందు. ||జన్మ|| 3. వట్రిల్లు దేహపు విషజ్వరంబులకు, వటువు విష్ణు కీర్తే వన్నె మందు, చేటు చేసెడి మదుల మాత్సర్య రోగముకు, చాటు చక్రి నుతే చక్కని మందు. ||జన్మ|| 4. కుటిలపు మనసుల కుష్టు రోగములకు కోటి కేశవ స్మరణే కఠినపు మందు గిట్టని తనముకు, గాటులకు, నొప్పులకు, గోటు హరి నామమే గొప్పగు మందు. ||జన్మ|| చాకలకొండ రమాకాంతరావు February 5, 2008 |
|
#maa telugu talliki mallepU daMDaa# |