Creative works from Telusuna Members

సేవింతురే సిరిని, సంపదను, పైడిని

రమాకాంతరావు చాకలకొండ

సేవింతురే సిరిని, సంపదను, పైడిని,
సేవింప జూడరే శ్రీ వేంకటేశుని. ||సేవింతురే||

1. సేవింతురే రమణి సొంపుల మోమును,
భావింతురే అందే బంగారు గనులు,
కావింతురే తనకు కైంకర్య సేవలు,
సేవింప కదలరే శ్రీ శ్రీనివాసుని? ||సేవింతురే||

2. సేవింతురే మణి, మాణిక్య, నిధులను
సేవింతురే సిరులు కల్గిన వారిని,
సేవింతురే పదవి, పేరు, కీర్తులను,
సేవింప రెందుకు శ్రీనాధు పదము? ||సేవింతురే||

3. సేవింతురే రాజ పదవున్న వారిని,
సేవింతురే బలము, బలుపున్న వారిని,
సేవింతురే మత్తు, మాదక ద్రవ్యములు
సేవింతురే యింత మాధవుని పదము? ||సేవింతురే||

4. క్షణిక సుఖముల కొఱకు చొంగలు గార్తురే,
క్షణమైన మదిలోన యోచనలు చేయరే?
ఫణి శయనుని పదము పర భాగ్య మని ఎంచి,
రాణింపరే భువిన రామ పద దాసులు. ||సేవింతురే||

రమాకాంతరావు చాకలకొండ February 1, 2008


#maa telugu talliki mallepU daMDaa#

Back to list