Creative works from Telusuna Members

ఓంకార నాదముతో వెలసిన మంత్రము

రమాకాంతరావు చాకలకొండ

ఓంకార నాదముతో వెలసిన మంత్రము
శంకరము యిది శ్రీకర యోగము. ||ఓంకార||

1. వాణి వీణ నాద వయ్యారి గీతమై, పరి
త్రాణము చేయు పరిశుద్ధ రాగమై,
వేణు గానములోని వలపు సంగీతమై,
మేను పులకింతల మోహన నామమై ||ఓంకార||

2. తత్వ స్వరూపమై, తామసహరమై,
సత్వము సమకూర్చు సంభృత శక్తియై,
నిత్యము భక్తులకు నిర్మల మార్గమై,
ముక్తి నిచ్చెడి దివ్య మంగళ రూపమై. ||ఓంకార||

3. వేంకటాద్రి వన వైభోగ కుసుమమై,
సంకటములు తీర్చు సంపూర్ణ తీర్ధమై,
శంకర, సుర నుత శ్రీకర రూపమై
పంకజ నాభుని పావన నామమై. ||ఓంకార||

రమాకాంతరావు చాకలకొండ February 09, 2008


#maa telugu talliki mallepU daMDaa#

Back to list