|
పల్లవి. ఆకలుండిన నాడు అందదే తిండి ? అన్ని వున్నను నేడు అరగదే తిండి! ||ఆకలుండిన|| అనుపల్లవి. యిచ్చెడి వాడికి ఎంత దయ లేదండి? యిచ్ఛ వచ్చిన రీతి వ్రాయు రాతండి? ||ఆకలుండిన|| 1. కావాలి అనకొన్న కలసి రాదండి, చేవ చచ్నిన నేడు చేచిక్కు నండి, యావ ఉన్న నాడు యాశగానే ఉండి, నవత లేని నేడు నింట చేరేనండి. ||ఆకలుండిన|| 2. మనసు పడిన నాడు మమతలే దొరకక, మనుగడ భారమై మదికి పడె గండి, అనువుగా సమకూరి ఆన్ని దరిలోనుండ తనువులో ధాడ్యము తరగి పోయే నండి. ||ఆకలుండిన|| 3. చేవ ఉన్న నాడు చిల్లుగాని లేక భావనలు ఊహలుగ మిగిలెను ఎండి, సేవ భావన లేక, శక్తి ఉండి నేడు, ఆశ దావానలమై అడ్డుపడె నండి. ||ఆకలుండిన|| 4. కోర్కెలున్న నాడు కలిమి లేదండి, సిరి పట్టిన నేడు క్షమత లేదండి, తిరువేంకటేశుని తెలియ రాని మాయ! చేరువై చిత్తమున చల్ల యగు నండి! ||ఆకలుండిన|| రమాకాంతరావు చాకలకొండ February 14, 2008 |
|
#maa telugu talliki mallepU daMDaa# |