|
తనువు వేరు, లోని తను ధారి వేరు తనువు వస్త్రమే, దాల్చు తేజశ్వి వేరు. ||తనువు|| 1. అన్న పానము గోరు అల్ప దేహము వేరు, అన్నిట కను గొన్న అంతరాత్మ వేరు, కనపడు కాయము - కడకు కట్టెగ మారు, కనపడని ప్రాణము, కమల నాభుని తీరు. ||తనువు|| 2. వ్యర్ధమీ దేహము వంగి నేలకు జారు, పార్దివ దేహమును పట్టు గేహి వేరు, దురితముల తగులు యీ దేహము వేరు, స్వార్ధ భావాతీత జీవాత్మ వేరు. ||తనువు|| 3. ఐదు భూతముల యీఅల్ప దేహము వేరు, తుదకు నశియించి వానినే చేరు, ఆది అంతము లేని అందు తత్వము వేరు ఆదిత్య తేజముతో అది అమరమై అలరు. ||తనువు|| 4. గాయములు చెందెడి కాయము వేరు వాయు, అగ్నీజలాతీత జీవము వేరు, ఒయ్యని ఒరిగెడు కాయము వేరు, శేష శాయిని చేరు సూక్ష్మ రూపము వేరు. ||తనువు|| రమాకాంతరావు చాకలకొండ February 15,2008 |
|
#maa telugu talliki mallepU daMDaa# |