|
తొలకరి వానతో తడిసెను కొండలు, పులకరింతతో పొంగెను సరసులు. ||తొలకరి|| 1. నింగిన నిండెను నల్లని మబ్బులు, ఖంగున గర్జన చేసెను ఉరుములు, హంగుగ రేగెను సన్నని మెరుపులు, పొంగులు బారెను చల్లని వానలు. ||తొలకరి|| 2. కిల కిల నవ్వెను కొండలు, గుహలు, జల జల జారగ వాగులు, వంకలు, నెలవులు తప్పెను కొమ్మలు, కోనలు, శెలవులు పొందెను క్షితిపై మృగములు. ||తొలకరి|| 3. వడి వడి వీచెను వంపుడు గాలులు, నడుములు వూపెను వనములు, లతలు, బిడియము వీడెను తరువులు, తీగెలు, నడ మంత్రముగ ఆడెను నెమళ్ళు. ||తొలకరి|| 4. ఝంకారములు చేసె భ్రమరములు, ఓంకారమును పలికెను చిలుకలు, సంకట హరునికి స్వస్తి పలికిరి, వేంకట గిరిపై వెలసిన వేల్పలు. ||తొలకరి|| రమాకాంతరావు చాకలకొండ February 29, 2008 |
|
#maa telugu talliki mallepU daMDaa# |