|
వీనులకు విందులు నీ పైన పదములు, మన్నికగ అవి నిచ్చు కైవల్య పదములు. ||వీనులకు|| 1. రామ! నీ నామముతో రంజిల్లు జన్మలు, కామ, క్రోధము తృంచి కల్గించు శాంతులు, ప్రేమ మీరగ నిన్ను పిల్చు ఆ పదములు, శ్రమలు తప్పించెడి సోమ మంత్రములు. ||వీనులకు|| 2. అనంగ జనక! నీ చరణ ఆరాధనలు, ఆనందము నింపు, ఉప్పోంగ ఆత్మలు, పన్నగ శయన నీ పాద పరిచర్యలు, మన్నికగ జన్మకు యిచ్చు మోదములు. ||వీనులకు|| 3. సప్తగిరివాస! నీ సంస్తుతులు, సేవలు, ఆపదలు తొలగించి - అందించు వరములు, తృప్తిగ నీ పద త్రిదండి కొలువులు, ముక్తి మార్గ ప్రద మూల సోపానములు. ||వీనులకు|| పదము = వాక్యము, స్థానము సోమము = యఙ్ఞము రమాకాంతరావు చాకలకొండ January 4, 2008 |
|
#maa telugu talliki mallepU daMDaa# |